Oferta ANALIZA E PËRFITIMIT TË KOSTOVE NË MENAXHIMIN E MBETJEVE URBANE - Libër nga Prof. Ing. Sazan Guri nga Biznesi AKADEMIA RRENJET TONA - AKADEMIA RRENJET TONA
ANALIZA E PËRFITIMIT TË KOSTOVE NË MENAXHIMIN E MBETJEVE URBANE - Libër nga Prof. Ing. Sazan Guri
Publike para 806 diteve - Me date 07/12/2022 Ora 12:19:00 AM
Për të kontaktuar me autorin ose për të porositur librin kontaktoni në Whatsapp:
Në kapitullin e parë trajtohet shkurtimisht dhe në mënyrë të përgjithshme problematika e menaxhimit të mbetjeve urbane në rang kombëtar.
Kapitulli i dytë:
Në këtë kapitull përshkruhet historiku i përballjes së njerëzimit me menaxhimin e mbetjeve, problemet që shfaqeshin në periudhat e mëparshme nga mos menaxhimi i mbetjeve por edhe mënyrat natyrale që përdornin njerëzit për të mbajtur pastër ambientin ku jetonin.
Veç kësaj në këtë kapitull trajtohet edhe evoluimi i konceptit të mbetjeve si edhe klasifikimi dhe dallimi midis mbetjeve urbane dhe mbetjeve të llojeve të tjera.
Kapitulli i tretë është i ndarë në dy pjesë:
Në pjesën e parë është një kapitull ku paraqitet profili i qytetit të Fierit, numri i popullsisë si faktori kryesor në prodhimin e mbetjeve urbane, situata aktuale e menaxhimit të mbetjeve urbane si edhe të dhënat bazë përsa i përket sasisë totale të mbetjeve urbane të gjeneruara në ditë, llojin e mbetjeve, mënyrat e grumbullimit, transportimit dhe trajtimit të tyre në landfill.
Në pjesën e dytë të këtij kapitulli trajtohet pjesa teorike e metodës së Landfillit të thjeshtë, metodës së Landfillit me riciklim dhe metodës së Inceneratorit.
Kapitulli i katërt është kapitulli më i rëndësishëm i këtij punimi dhe është i ndarë në tre pjesë.
Në pjesën e parë përshkruhet pjesa teorike e analizës së kosto-përfitimit dhe metodës së vlerës aktuale neto me të cilën do të bëhet edhe llogaritja e kostove totale neto e secilës alternativë të marrë në shqyrtim.
Në pjesën e dytë fillimisht është bërë identifikimi i kostove dhe përfitimeve me qëllim llogaritjet ekonomike të të katër teknologjive me anë të metodës së vlerës aktuale neto për të gjetur vlerën totale neto të secilës teknologji.
Pjesa e tretë e këtij kapitulli përbëhet nga krahasimi i katër alternativave dhe përzgjedhja e alternativës ose metodës më të mirë për t’u vënë në zbatim.
Alternativa e përzgjedhur e para do të thotë se është metoda më e mirë dhe më e përshtatshme si në aspektin e leverdisshmërisë financiare ashtu edhe në mbrojtjen e mjedisit dhe komunitetit pranë të cilit ndodhet.
Kapitulli i pestë përbëhet nga Konkluzionet dhe Rekomandimet.
Ky kapitull përmbledh për çdo njësi të qeverisjes vendore se si mund të përzgjedh alternativën ose metodën më të mirë të menaxhimit të mbetjeve urbane duke zbatuar Analizën Kosto-Përfitim.
ISBN 978-9928-238-41-2
Viti i botimit 2017
Format A4
225 Faqe
Pesha 1,1 kg
Shtëpia Botuse - Barleti
Shënim:
Pagesa me Wester union për jashtë Shqipërisë, për brenda vendit, në momentin e dorzimit të librit.
.jpg)
